Aadhaar Address Update Process UIDAI Steps : जर तुम्ही नव्या घरात राहायला गेला असाल, भाड्याच्या घरातून स्वतःच्या घरात स्थलांतरित झाला असाल, किंवा तुमचा पत्ता बदलला असेल, तर तुमचे आधार कार्ड अपडेट (Aadhaar Card Update) करणे अत्यंत आवश्यक आहे. कारण आधार कार्ड हा सरकारी कामांसाठी एक महत्त्वाचा दस्तावेज आहे, आणि त्यामध्ये असलेली माहिती अचूक असणे गरजेचे आहे. UIDAI ने यासाठी सोपी प्रक्रिया उपलब्ध करून दिली आहे. ती प्रक्रिया कशी आहे, ते जाणून घेऊया.
Aadhaar मध्ये पत्ता अपडेट करण्यासाठी काय लागते?
Aadhaar मध्ये पत्ता अपडेट करण्यासाठी कार्डधारकाला जवळच्या Aadhaar Seva Kendra मध्ये जावे लागते. यासाठी आवश्यक असतात:
आधार कार्डची मूळ प्रत
नवीन पत्त्याचा पुरावा (Address Proof) – जसे की वीज बिल, पाणी बिल, बँकेचे स्टेटमेंट इत्यादी
आधार मध्ये पत्ता अपडेट करण्याची प्रक्रिया
- सेवा केंद्राचा शोध घ्या:
सर्वप्रथम तुमच्या नजीकचे आधार सेवा केंद्र शोधा. UIDAI च्या वेबसाइटवरून ते सहज शोधू शकता. केंद्रात भेट देताना तुमचे मूळ आधार कार्ड आणि पत्त्याचा पुरावा बरोबर घ्या. - फॉर्म भरावा लागतो:
सेवा केंद्रात गेल्यावर “Correction Form” घ्या. त्यामध्ये तुमचे नाव, आधार क्रमांक, मोबाइल नंबर आणि नवीन पत्ता भरावा लागतो. संबंधित कागदपत्रे जोडावी लागतात. - बायोमेट्रिक व दस्तऐवज पडताळणी:
फॉर्म आणि कागदपत्रांची पडताळणी होते. यावेळी तुमचे बायोमेट्रिक (फिंगरप्रिंट/आयरिस स्कॅन) घेण्यात येतात. सर्व माहिती योग्य असल्यास ती UIDAI च्या प्रणालीत अपडेट केली जाते. - फी आणि पावती:
अंतिम टप्प्यात, तुमच्याकडून निश्चित शुल्क (₹50) घेतले जाते आणि तुम्हाला एक acknowledgment स्लिप दिली जाते. ही स्लिप अपडेट स्टेटससाठी महत्त्वाची असते.
आधार मध्ये पत्ता अपडेट होण्यासाठी किती वेळ लागतो?
आधार मध्ये पत्ता अपडेट प्रक्रिया पूर्ण होऊन नवीन पत्ता अपडेट होण्यास 2 ते 7 कार्यदिवस लागतात. या कालावधीत तुम्ही UIDAI च्या वेबसाइटवरून अपडेट स्टेटस तपासू शकता.
🔴 हेही वाचा 👉 महाराष्ट्रातील या विद्यार्थ्यांसाठी विविध शिष्यवृत्ती व अनुदान योजना सुरु.
